Mariamonologen

Yn oanrin op it fiifhûndert jierrich jubileum fan Maria fan Sânwâlden skriuwt de bekende Fryske skriuwer Marga Claus Mariaferhalen nei oanlieding fan in tal fraachpetearen.

Yn it ramt fan de wer nije beafeart nei it Mirakelbyld Maria fan Sânwâlden – yn it 500-jierrich jubileumjier 2015 – ynterviewde de skriuwer in jier lang alle moannen leauwigen oer harren bining mei de himelske Mem.

Religie is in reade tried yn Claus’ wurk. As bern al fielde se har thús by de rituelen en symbolyk fan it Roomsk Katolike leauwe. Nei har bewuste kar foar de tradysje yn 2008 rekke se fassinearre troch de ferhalen om Maria hinne. Sa fûn de Boalserter pater Eduard Andringa o.f.m. himself werom yn De vader van Serafyn/De heit fan Serafyn, oer it fergetten folk op Papoea. Yn har roman Completen/Kompleten binne brieven opnommen oer Mariaferskiningen yn it fiere Brazilië, skreaun troch Rogatus Hoogma o.f.m., lyksa hikke en tein yn de Fryske Hanzestêd.